Friday, February 3, 2023

सत्यजित तांबे यांनी देवदर्शन करून फोडला प्रचाराचा नारळ

फोडला प्रचाराचा नारळ

भाजपचा पाठिंबा सत्यजित तांबे यांना मिळण्याचा मार्ग मोकळा

युवावार्ता (प्रतिनिधी)
संगमनेर – अपक्ष उमेदवार म्हणून मैदानावर उतरल्यानंतर काँग्रेस पक्षाने निलंबनाची कारवाई केल्यानंतर अपक्ष उमेदवार सत्यजित तांबे यांनी संगमनेरात देवदर्शन करून प्रचाराचा नारळ फोडला आहे. महाआघाडीने जरी शुभांगी पाटील यांना पाठिंबा दिला असला तरी महाआघाडीचा घटक असलेल्या काँग्रेस पक्षाचे पदाधिकारी व कार्यकर्ते मात्र सत्यजित तांबे यांच्या प्रचारात सक्रिय झाले आहे. नाशिक पदवीधर मतदारसंघातून अपक्ष उमेदवार म्हणून सत्यजित तांबे यांनी पाठिंब्याबाबत सर्व पक्षांना आवाहन केले होते. मात्र महाआघाडीने पाठिंबा देण्यास नकार दिला शिवाय त्यांच्यावर निलंबनाची कारवाई केली. तर भाजपाने अद्यापपर्यंत आपली भूमिका जाहीर केली नसली तरी भाजपचा पाठिंबा सत्यजित तांबे यांना मिळण्याचा मार्ग मात्र आता मोकळा झाला आहे. दरम्यान कोणी काय भुमिका घेतली किंवा घेणार याकडे लक्ष न देता सत्यजित तांबे यांनी आज तालुक्यातील खांडेश्‍वर मंदिरात जाऊन दर्शन घेतले. तसेच सय्यद बाबा दर्ग्यावर चादर चढवून प्रचाराला सुरवात केली.


यावेळी बोलताना त्यांनी सांगितले की, डॉ. सुधीर तांबे यांनी आपल्या तीन टर्ममध्ये शिक्षक, पदवीधर यांच्या प्रश्‍नांवर विधानपरिषदेत आवाज उठवत अनेक प्रश्‍न मार्गी लावले. सोबतच त्यांनी पक्षविरहीत अनेक माणसे जोडली. पाचही जिल्ह्यात त्यांनी आपल्या कामातून नेतृत्व सिद्ध केले. तोच वारसा आज आपण पुढे घेऊन जात आहोत. आज पक्ष सोबत नसला तरी अनेक तरुण, वेगवेगळ्या विचारधारेचे कार्यकर्ते माझ्या सोबत उभे राहिले आहे. एक तरुण नेतृत्व नक्कीच पदवीधरांच्या प्रश्‍नासाठी काम करेल असा विश्‍वास त्यांना वाटत असल्याने पक्षीय राजकारणा पलीकडे आपल्याला पाठिंबा देत आहे. हीच आपली जमेची बाजू आहे असे त्यांनी यावेळी सांगितले. दरम्यान आपल्या परिवाराला आज आरोपीच्या पिंजर्‍यात उभे केले जात असले तरी लवकरच याबाबत आपण आपली भुमिका व मत जाहीर करू असे सांगत आपल्याला साथ देण्याचे आवाहन त्यांनी यावेळी केले. त्यांच्या सोबत यावेळी अनेक काँग्रेसचे कार्यकर्ते व पदाधिकारी होते.

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

कनेक्ट रहा

21,724चाहतेआवड दर्शवा
2,506अनुयायीअनुकरण करा
0सदस्य यादीसदस्य व्हा
- Advertisement -
- Advertisement -

नवीनतम लेख

लोकनेते आ. थोरात यांच्या वाढदिवसानिमित्त रविवारी संगमनेरात शिंदेशाही बाणा कार्यक्रम

शिंदेशाही बाणा कार्यक्रमआनंद शिंदे, मिलिंद शिंदे, आदर्श शिंदे, उत्कर्ष शिंदे यांची उपस्थितीतयुवावार्ता (प्रतिनिधी)...

वाघापूरमध्ये वडाच्या झाडाची अवैध कत्तल

वडाच्या झाडाची अवैध कत्तलहजारो पक्षी बेघर, कारभारीच झाले वैरी - वनविभागाचे दुर्लक्ष

गुंजाळ कन्स्ट्रक्शनचे विक्रम गुंजाळ यांचे निधन

विक्रम गुंजाळयुवावार्ता (प्रतिनिधी)संगमनेर - येथील सिव्हिल इंजिनियर असलेले व शहर विकासाचे अनेक शासकीय कामे उत्कृष्ट पध्दतीने करणारे...

सर्वपक्षीय पाठिंब्याने सत्यजित तांबे यांचा विजय निश्चित

सत्यजित तांबेआता प्रतिक्षा केवळ मताधिक्याचीयुवावार्ता (प्रतिनिधी)संगमनेर - तांत्रिक अडचणीमुळे अपक्ष उमेदवारी...

संगमनेरच्या युवकांचे हाफ आयर्नमन स्पर्धेत यश

हाफ आयर्नमन स्पर्धेत यशसंगमनेरवासियांसाठी उद्योजकांचा दिशादर्शक सहभागयुवावार्ता (प्रतिनिधी)नुकतीच कोल्हापूर येथे डेक्कन स्पोर्टस्...