भाजपा शहराध्यक्ष पायल ताजणे यांची उमेदवारी फक्त विजयासाठी

प्रभाग 8 अ मधून विकासकामांना नवे परिमाण देण्याची ग्वाही

पायल आशिष ताजणेे यांची भाजपचे जेष्ठ नेते पालकमंत्री राधाकृष्ण विखे पाटील आणि सुजय दादा विखे पाटील यांच्या मार्गदर्शनाखाली भारतीय जनता पार्टी (भाजपा) संगमनेर शहराध्यक्षपदी दणदणीत निवड झाली. ही निवड केवळ राजकीय नियुक्ती नसून, संगमनेरच्या सामाजिक आणि राजकीय क्षेत्रात एक सशक्त, सुशिक्षित, कट्टर हिंदुत्ववादी आणि प्रेरणादायी नेत्या व सामाजिक कार्यकर्तीच्या नेतृत्वाचा उदय आहे. पायल ताजणे यांच्या नेतृत्वाखाली संगमनेरमधील भाजपाच्या कार्याला नवी दिशा, गती आणि ऊर्जा मिळाली. संगमनेरच्या इतिहासातील त्या भाजपाच्या पहिल्या महिला शहराध्यक्ष ठरल्या आहेत. हा ऐतिहासिक टप्पा शहरातील राजकीय आणि सामाजिक क्षेत्रात महिलांच्या वाढत्या सहभागाचे द्योतक आहे.
पायल यांचे माहेर नाशिक येथील असून, माहेरचे आडनाव बागुल आहे. त्यांच्या काकू, माजी नगरसेविका सौ. आशाताई प्रकाश बागुल आणि काका श्री. प्रकाश लोटन बागुल यांनी नाशिकच्या राजकीय आणि सामाजिक क्षेत्रात आपली अमीट छाप पाडली आहे. प्रकाश बागुल हे नाशिकचे माजी शहराध्यक्ष होते. सोबत अनेक आंदोलने आणि सामाजिक कार्यात त्यांचा सक्रिय सहभाग राहिला आहे. या वैचारिक आणि राजकीय वारशाच्या पाठबळावर पायल यांनी लहानपणापासूनच हिंदुत्व, राष्ट्रप्रेम आणि सामाजिक कल्याणाच्या मूल्यांचा अंगीकार केला. या विचारधारेने प्रेरित होऊन त्यांनी आपल्या कृतीतून या मूल्यांचा दृढपणे प्रसार आणि संवर्धन केले आहे.

माझी उमेदवारी

महिला सक्षमीकरण: पायल यांच्या योजनांमध्ये महिलांसाठी व्यावसायिक प्रशिक्षण केंद्रे स्थापन करणे, स्थानिक स्तरावर रोजगाराच्या संधी निर्माण करणे आणि महिला उद्योजकांना प्रोत्साहन देण्यासाठी विशेष कार्यक्रम राबवणे यांचा समावेश आहे. 2. युवा विकास: तरुणांना राजकीय आणि सामाजिक नेतृत्वासाठी तयार करण्यासाठी कार्यशाळा, नेतृत्व प्रशिक्षण शिबिरे आणि करिअर मार्गदर्शन कार्यक्रम आयोजित करण्याचा त्यांचा मानस आहे. 3.पर्यावरण संरक्षण: संगमनेरमधील पर्यावरणीय समस्यांना सामोरे जाण्यासाठी वृक्षारोपण, पाणी संवर्धन आणि स्वच्छता मोहिमांना गती देण्याची योजना आहे. 4. सामाजिक न्याय: समाजातील दुर्बल आणि वंचित घटकांसाठी सरकारी योजनांचा लाभ प्रभावीपणे पोहोचवणे आणि त्यांच्या हक्कांसाठी आवाज उठवणे हे त्यांचे प्राधान्य आहे. 5. सांस्कृतिक जागरण: हिंदू संस्कृती आणि परंपरांचे संवर्धन करताना सर्वसमावेशक सामाजिक एकतेच्या दृष्टीने सांस्कृतिक कार्यक्रमांचे आयोजन करणे हा त्यांचा उद्देश आहे.

पायल यांनी नाशिक येथील प्रतिष्ठित महात्मा गांधी कॉलेज, पंचवटी येथून बी. फार्मसीची पदवी प्राप्त केली आहे. सुशिक्षित, दूरदृष्टी आणि कर्तृत्ववान असलेल्या पायल यांनी शिक्षणाचा उपयोग केवळ वैयक्तिक यशासाठी नव्हे, तर सामाजिक उन्नती आणि परिवर्तनासाठी केला. 2015 मध्ये आशिष ताजने यांच्यासोबत विवाहानंतर त्या ताजणे कुटुंबात दाखल झाल्या. त्यांनी सासरच्या ताजने कुटुंबाला सामाजिक आणि राजकीयदृष्ट्या सकारात्मक दिशेने बदलण्यात मोलाची भूमिका बजावली. ताजने कुटुंबाला प्रगतीपथावर नेण्याचे श्रेय त्यांच्या दृढनिश्चय, नेतृत्व आणि सामाजिक बांधिलकीला जाते. आशिष ताजणे हे स्वतः 2014 पासून भाजपामध्ये सक्रिय असून, पायल यांच्या सहभागाने त्यांच्या कार्याला नवे बळ आणि गती मिळाली.
कट्टर हिंदुत्ववादी विचारधारेच्या पायल ताजणे यांनी आपल्या कार्यातून हिंदू समाजाच्या एकजुटीसाठी, सांस्कृतिक मूल्यांच्या संवर्धनासाठी आणि सामाजिक न्यायासाठी अथक प्रयत्न केले आहेत. संगमनेरमधील विविध सामाजिक आणि राजकीय संघटनांमध्ये त्यांनी सक्रिय सहभाग घेतला आहे. विशेषतः, महात्मा फुले प्रतिष्ठानच्या महिला सदस्य म्हणून त्यांनी महिलांच्या सक्षमीकरणासाठी, सामाजिक जागरूकतेसाठी आणि समाजातील दुर्बल घटकांच्या उत्थानासाठी महत्त्वपूर्ण योगदान दिले आहे. गरजूंना मदत, सामाजिक समस्यांवरील जागरूकता मोहिमा आणि स्थानिक पातळीवरील प्रश्न सोडवण्यासाठी त्यांनी केलेले कार्य संगमनेरच्या जनमानसात त्यांना एक आदर्श नेत्या म्हणून स्थापित करते.
पायल ताजणे यांच्या नेतृत्वाखाली संगमनेरमधील भाजपाला नवे परिमाण मिळेल, याबाबत कार्यकर्त्यांमध्ये प्रचंड उत्साह आहे. त्यांचे स्पष्टवक्तेपणा, सामाजिक बांधिलकी, कार्यकर्त्यांना प्रेरणा देण्याची क्षमता आणि सामान्य माणसाच्या हितासाठी झटण्याची तळमळ यामुळे त्या पक्षाच्या प्रत्येक स्तरावरील कार्यकर्त्यांसाठी प्रेरणास्थान ठरत आहेत. संगमनेरच्या सामाजिक आणि राजकीय समस्यांना सामोरे जाण्यासाठी त्या सज्ज असून, त्यांच्या नेतृत्वाखाली पक्ष अधिक मजबूत, प्रभावी आणि लोकाभिमुख होईल, असा विश्वास व्यक्त केला जात आहे.
पायल ताजणे यांच्या दृष्टीकोन, ध्येय आणि भविष्यातील सामाजिक कार्याच्या योजना संगमनेरच्या उज्ज्वल भविष्यासाठी एक मजबूत पाया घातला आहे. त्यांची दृष्टी आहे की, संगमनेर एक असे शहर बनावे जिथे प्रत्येक नागरिकाला समान संधी, सन्मान आणि समृद्धी प्राप्त होईल. यासाठी त्या सर्वसमावेशक विकास, सामाजिक एकता आणि सांस्कृतिक वारशाच्या संवर्धनावर भर देतात. त्यांचे ध्येय आहे की, महिलांना आणि तरुणांना मुख्य प्रवाहात आणून त्यांना सक्षम बनवावे, जेणेकरून समाजातील प्रत्येक स्तरावर नेतृत्वाची नवी पिढी तयार होईल. यासाठी त्या शिक्षण, कौशल्य विकास आणि आर्थिक स्वावलंबनावर आधारित उपक्रमांना प्रोत्साहन देतात.
संगमनेर नगरपरिषदेच्या निवडणूकीत पायलताई ताजणे यांनी प्रभाग नं 8 अ मधून उमेदवारी जाहीर केली असून या प्रभागात त्यांनी सर्व स्त्री-पुरूष मतदारांशी संपर्क साधून त्यांच्या विचारांचा प्रभाव निर्माण केला आहे. या प्रभागातील अडचणी तसेच अवश्यक विकासाची कामे यांचे नियोजन निश्चित केले असून त्यांच्या सोबत प्रभाग 8 ब मधील प्रकाश सुरेश राठी यांचे सहकार्याने या प्रभागात भविष्यकाळात विकासाची कामे निश्चित स्वरूपात पुर्ण होतील अशी त्यांना खात्री आहे. संगमनेरचे आमदार अमोलभाऊ खताळ व भाजपाच्या सर्व नेत्यांनी माझी उमेदवारी प्राधान्याने जाहीर केल्याने माझा विजय निश्चित असून माझ्या भाजपा शहराध्यक्ष पदाबरोबरच संगमनेर नगरपरिषद नगरसेविका म्हणून काम करण्यासाठी महाराष्ट्राचे मुख्यमंत्री मा. देवेंद्रजी फडणवीस साहेब तसेच मा. ना. उपमुख्यमंत्री एकनाथ शिंदे यांच्या विशेष सहकार्याने आमदार अमोल भाऊंच्या नेतृत्वाखाली विकासे नवे पर्व संगमनेरमध्ये निर्माण करू अशी खात्रीही पायलताई ताजणे यांनी व्यक्त केली.