Wednesday, October 20, 2021

कोरोना प्रादुर्भावामुळे देवगड यात्रा रद्द !

संगमनेर (प्रतिनिधी)
संगमनेरसह नगर, नाशिक, पुणे जिल्ह्यातील लाखो भाविकांचे श्रध्दास्थान असलेले तालुक्यातील हिवरगाव पावसा येथील श्री क्षेत्र खंडोबा (देवगड) यात्रा कोरोनाच्या वाढत्या प्रादुर्भावामुळे रद्द करण्यात आली आहे.


माघ पौर्णिमेला दरवर्षी देवगड खंडोबाची यात्रा मोठ्या उत्साहात साजरी केली जाते. यावर्षी 26 फेब्रुवारी ते 28 फेब्रुवारी या कालावधीत हा यात्रा उत्सव होणार होता. दरम्यान या यात्रेसाठी संगमनेरसह शेजारच्या जिल्ह्यातील लाखो भाविक दर्शनासाठी गर्दी करतात. तीन दिवस हा यात्रा उत्सव चालतो. यावर्षी मात्र कोरोनाच्या वाढत्या प्रादुर्भावामुळे खबरदारी म्हणून शासनाच्या आदेशानुसार सर्व यात्रा, जत्रा रद्द करण्यात आल्या आहेत. देवगड खंडोबाची यात्रा सुध्दा रद्द करण्यात आली आहे.

तसेच आगामी तीन दिवस मंदिर भाविकांसाठी बंद राहणार असल्याने भाविकांनी नवस फेडण्यासाठी, दर्शनासाठी येऊ नये तसेच हलवाई व इतर दुकानदारांनी आपली दुकाने लावू नये. या ठिकाणी भाविकांनी गर्दी केल्यास प्रशासनाच्या वतीने कलम 144 अंतर्गत कारवाई करण्यात येणार आहे. तरी भावीकांनी याची नोंद घ्यावी व देवस्थानला सहकार्य करावे असे अवाहन संगाजी पावसे, उपाध्यक्ष अण्णासाहेब येरमल, मोठ्याभाऊ बडे, बाबासाहेब पावसे यांच्यासह देवस्थान ट्रस्टने केले आहे.

यात्रा रद्द मात्र अनेकांच्या रोजीरोटीवर गदा !!

कोरोना प्रादुर्भाव वाढत चालल्याने सगळीकडचेच यात्रोत्सव रद्द होत आहे. मागील एक वर्षांपासून जत्रा यात्रा बंद आहेत. याचा परिणाम यात्रेच्या माध्यमातून आपली रोजीरोटी भागविणाऱ्या हलवाई, खेळणी वाले, झोपाळा वाले, तमाशा यांच्यावर आर्थिक संकट कोसळले आहे. या गावोगावी फिरून आपले पोट भरणाऱ्या व्यावसायिकांच्या रोजीरोटीवर गदा कोसळली आहे. त्यांच्या पोटापाण्याचा प्रश्न निर्माण झाला आहे. सरकारने याची दाखल घ्यावी अशी मागणी होत आहे.

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

कनेक्ट रहा

21,993चाहतेआवड दर्शवा
2,506अनुयायीअनुकरण करा
0सदस्य यादीसदस्य व्हा
- Advertisement -
- Advertisement -

नवीनतम लेख

ठेकेदाराचा चमत्कार, त्यास महामार्गवाल्यांचा आधार

संगमनेर (प्रतिनिधी)- पुणे-नाशिक या राष्ट्रीय महामार्गाचे ६ वर्षांपूर्वी चौपदरीकरण झाले आहे. या चौपदरीकरणात २३७३ झाडे तोडण्याची परवानगी तत्कालीन उपविभागीय अधिकारी संदीप निचित यांनी दिली होती. ती परवानगी देतांना त्यांनी तोडलेल्या झाडांच्या १० पट झाडे येणाऱ्या पावसाळ्यात लावावीत असे आदेश दिले होते. संबंधित ठेकेदाराने ५ वर्षात ती झाडे न लावल्याने सामाजिक कार्यकर्ते गणेश बोऱ्हाडे यांनी राष्ट्रीय हरित न्यायाधिकरणाच्या पुणे खंडपीठात याचिका दाखल केली होती.

एसटी बसमध्येच गळफास घेऊन चालकाची आत्महत्या; संगमनेर हादरले

संगमनेर शहरातील बस स्थानकात उभ्या असलेल्या रिकाम्या बसमध्येच गळफास लावून घेत बसचालकाने आत्महत्या केली. सुभाष शिवलिंग तेलोरे (रा. कोल्हार कोलूबाईचे ता. पाथर्डी, जि. नगर) असे चालकाचे नाव आहे

भारताला मिळाले चौथे सुवर्ण पदक

भारताने टोकियो पॅरालिम्पिकमध्ये आपले चौथे सुवर्णपदक जिंकले आहे. भारतीय बॅडमिंटनपटू प्रमोद भगतने SL3 श्रेणीच्या अंतिम फेरीत ब्रिटनच्या...

बाजारभाव नसल्याने भाजीपाला उत्पादक शेतकरी झाला उध्वस्त भाजीपाल्याच्या फडात मेंढरे सोडण्याची वेळ

अकोले(ज्ञानेश्‍वर खुळे)हजारो-लाखोंचा खर्च करुन अपेक्षेने पिकविलेला भाजीपाला मातीमोल भावाने विकला जात असल्याने शेतकर्‍यांना भरल्या पिकात मेंढरे सोडण्याची...