Sunday, April 11, 2021

धक्कादायक : संगमनेरात एकाच दिवशी सापडले तब्बल १४८ कोरोना रुग्ण; चिंता वाढली: संगमनेरवर पुन्हा लॉकडाउनची टांगती तलवार

जिल्ह्यापाठोपाठ संगमनेर तालुक्यात सुरु झालेले कोविडचे संक्रमण दररोज वाढतच आहे. बुधवारी काहिसा दिलासा मिळाल्यानंतर आज गुरुवारी कोरोनाने एकदम उसळी घेत आजवरचे सर्व विक्रम मोडीत काढले. आज तब्बल 148 रूग्ण आढळून आल्याने संगमनेरांमध्ये धाकधूक वाढली आहे. हि प्रचंड वाढ संगमनेरला पुन्हा एकदा लॉकडाउनच्या दिशेने ढकलत आहे.
आज गुरूवारी उच्चांकी रुग्णांची भर पडल्याने प्रशासन खडबडून जागे झाले आहे. सोमवार पासून शहर व तालुक्यातील ग्रामीण भागात कोरोनाचा प्रादुर्भाव झपाट्याने वाढत आहे. तालुक्याच्या दृष्टीने ही चिंताजनक बाब बनली आहे.


तालुक्यात कोविडचा प्रादुर्भाव वाढत असल्याने जिल्हाधिकार्यांनी आढावा बैठका घेवून सक्तिच्या कारवाईचे आदेश दिले होते. मात्र प्रशासनाने सक्तीच्या कारवाईकडे कानाडोळा करत असल्याने व नागरिक बेजबाबदारपणाने गर्दी जमवित व नियम पायदळी तुडवीत असल्याने कोरोना तालुक्यात फैलावत आहे. संगमनेरात सध्या कोविडच्या नावाने ‘चांगभलं’ सुरु असल्याचे दिसते. बुधवारी 29 व आज गुरूवारी तब्बल 148 असे दोन दिवसांत 177 जणांचे अहवाल पॉझिटिव्ह आले आहेत. त्यामुळे तालुक्याचा आकडा आठ हजारी पार पोहचला आहे.
फेब्रुवारीच्या मध्यानंतर जवळपास माघारी परतलेल्या कोविडचा जिल्ह्यात वेगाने प्रादुर्भाव सुरु झाला. त्यातही अहमदनगर पाठोपाठ, राहाता, संगमनेर, कोपरगाव, तालुक्यात गेल्या महिन्याभरात एकामागून एक रुग्णांना कोविडची लागण होवून या तालुक्यातील कोविड स्थिती पुन्हा पूर्ववत झाल्याचे दिसत आहे. या बिघडलेल्या परिस्थितितीमुळे या शहरांवर पुन्हा एकदा लॉकडाऊनची टांगती तलवार लटकली आहे.


जिल्ह्यात एकाच दिवशी तब्बल 1 हजार 338 इतके विक्रमी रुग्ण आढळून आले. यात अहमदनगर 457, संगमनेर 148, रहाता 140, कोपरगाव 101 तर शेजारी अकोले तालुक्यातही आज 74 रुग्ण आढळून आहे. जिल्ह्यातील उर्वरीत तालुक्यातही मोठ्या संख्येने रुग्ण आढळून येत आहे.
वाढता कोरोनाचा प्रादुर्भाव लक्षात घेता प्रशासनाने पुन्हा एकदा आरटीपीसीआर टेस्ट सह रॅपीड अँटीजन टेस्ट सुरु केली आहे. तसेच खाजगी रुग्णालयातही मोठ्या प्रमाणावर कोरोना चाचणी केल्या जात आहे. त्यामुळे जिल्ह्या झपट्याने नवे रुग्ण समोर येत आहे. संगमनेर तालुक्यात समोर आलेल्या 148 रुग्णांपैकी खाजगी लॅब मधून 31, आरटीपीसीआर 116, रॅपीड अँटीजन मधून 1 रुग्ण समोर आला आहे. दरम्यान संगमनेर ग्रामीण रुग्णालयात मोठ्या संख्येने कोरोना चाचणी सुरु आहे. मात्र या चाचण्यांचे अहवाल चार ते पाच दिवसांनी मिळत असल्याने संभाव्य रुग्ण सायलंट कॅरिअर म्हणून फिरत असल्याने कोरोनाचा धोका वाढला आहे.

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

कनेक्ट रहा

21,724चाहतेआवड दर्शवा
2,506अनुयायीअनुकरण करा
0सदस्य यादीसदस्य व्हा
- Advertisement -
- Advertisement -

नवीनतम लेख

संगमनेरात पुर्ण लॉकडाऊन नाही ; परंतू कडक निर्बंध लागू ! शनिवार व रविवार पुर्ण लॉकडाऊन

राज्य शासनाने जाहीर केलेले निर्बंध संगमनेरसाठी लागू असून प्रशासनाने संगमनेरसाठी सध्यातरी कोणतेही वेगळे नियम लागू केलेले...

संगमनेरमधील भयानक घटना ! सरकारी जमीनीची बोगस विक्री…!!!

निर्ढावलेल्या लँड माफीया, सँड माफीयांना लगाम कोण लावणार.बेकायदेशीर व्यवहारांसाठी कुणाचा पाठींबा आहे. शासकीय अधिकारी मुद्दाम तर...

नगर जिल्ह्यातील दहावी-बारावीचे वर्ग वगळता सर्व शाळा बंद ; वाढता कोरोना संसर्ग रोखण्यासाठी प्रतिबंधात्मक उपाययोजनांची कडक अंमलबजावणी करा – पालकमंत्री हसन मुश्रीफ

अहमदनगर:  जिल्ह्यातील वाढता कोरोना संसर्ग रोखण्यासाठी जिल्हा प्रशासन आणि आरोग्य यंत्रणा पूर्णपणे सज्ज असून तीव्रता लक्षात घेऊन नागरिकांनी...

रस्त्यावर लुटमार करणारी टोळी जेरबंद ; संगमनेर शहर पोलिसांची कामगिरी

संगमनेर (प्रतिनिधी)गेल्या काही दिवसांपासून नाशिक पुणे महामार्गावर व आडमार्गावर प्रवाशांना लुटण्याच्या घटना वाढत असल्याने सतर्क झालेल्या शहर...

धक्कादायक : संगमनेरात एकाच दिवशी सापडले तब्बल १४८ कोरोना रुग्ण; चिंता वाढली: संगमनेरवर पुन्हा लॉकडाउनची टांगती तलवार

जिल्ह्यापाठोपाठ संगमनेर तालुक्यात सुरु झालेले कोविडचे संक्रमण दररोज वाढतच आहे. बुधवारी काहिसा दिलासा मिळाल्यानंतर आज गुरुवारी कोरोनाने...